尼加拉瓜日誌 #4

去左尼加拉瓜已經有一個星期多, 樣樣野都習慣左. 今日比較特別, 去比我地放鬆一下. 我地全部人就到左尼加拉瓜最出名的Zipline. Zipline 係縛住你由一個站滑去第二個站. 由尼加拉瓜城坐一個鐘頭車上山就到. 山上風景唔錯嫁 ^^

等所有人到齊我地就去著「裝備」
個導師幫我地佩帶中...

著左啦 好重 好奇怪 但係求其LA

然後我地攀上第一個"站"上面. 係我地前面有一條鋼線, 而你身上有幾個扣, 一個係安全扣, 一個扣住條鋼線, 然後你就咁由第一個站滑到去第二個.

快就唔快既. 第一次玩真係驚, 因為你唔知係點, 但係你滑左一兩次之後就覺得沒乜野, 不過是一個難忘的體驗^^

尼加拉瓜日誌 #3

第三日, 牧師太太通知我地Children program 唔再係佢屋企個後宛到舉行, 改去教會後面間屋仔入面.

因為佢地唔想D 小朋友由教會到過馬路到牧師太太屋企. 環境光D, 但係空氣就唔多流通.

每日努力地Study 每晚要講既故事 keke

每晚都好順利進行, 感謝主.

尼加拉瓜日誌 #2

捱完20分鐘倒後車, 終於到左教會. 因為個教會太細, 容納唔到咁多人, 所以佢地要坐出去出面的空地. Adult meeting 就會係個度進行. 而我負責的Children meeting就被安排去牧師屋企既後園.

環境就...見人見智啦.. D小朋友應該7:30就到, 我地等下等, 準備好哂D野. 看看錶7:30, 但是佢地仲未黎. 見沒乜野做影張我地組的合照.

 (我地組仲有3個人不過佢地係大人個邊). 

再睇一睇錶 7:45 一個人都無. 我開始驚, 我心想唔係第一日就發生唔知咩事啦? 我地圍埋一齊禱告, 因為我地個個都唔知發生咩事. 祈完禱, 過左一陣, 有一個小孩走左入黎, 一個接住一個走入黎. I was so happy, PRAISE THE LORD. 一個接一個入黎, 一陣就坐滿哂D 椅子. 我可以開始講故事.

雖然有note睇, 但我都係好驚, 只是對住d小朋友, 都好驚. 我一驚我就亂咁講, 亂講一通, 連我自己都唔知講咩. 但係我個translator 會糾正我的錯, 然後完美地轉做Spanish. 可惜佢咁岩黎到我地既Church, 因為有幾個大人負責每日佢不同的Church, 聽其他不同人的Sermon. 其實我地個Church 仲未搵到translator, 真係好彩咁岩佢黎到我地既Church. God always has a plan.

個故事大概10-15分鐘, 之後唱下歌, 然後到D小朋友最鐘意的環節, Craft Time! 大概有25-30分鐘比小朋友做手工, 個手工係同先前既故事有關既. 個個小朋友都好鐘意, 可能我地提供的物質, 佢地一般都無.

我同我partner 幫下D年紀較少既褶野, 粘野等等. 呢d就係每日我地做既野. It was fun. ^^